പതിവായി കഴിക്കുന്നത് പ്രതിരോധ ശേഷി വര്‍ധിപ്പിക്കുന്നതിന് സഹായിക്കുന്നു. വൈറ്റമിന്‍ ഇ, എ, പൊട്ടാസ്യം എന്നിവ അടങ്ങിയിട്ടുണ്ട്. ആന്റി ഓക്‌സിഡന്റുകള്‍ ധാരാളമായി അടങ്ങിയിരിക്കുന്ന ഇവ ക്യാന്‍സറിനെ ഒരു പരിധി വരെ പ്രതിരോധിക്കാന്‍ സഹായിക്കുന്നു.
വിവിധ വിഭവങ്ങള്‍ തയാറാക്കാന്‍ ധാരാളമായി ഉപയോഗിക്കാറുണ്ടെങ്കിലും മലയാളികള്‍ അധികം കൃഷി ചെയ്യാത്ത വിളയാണ് കാപ്‌സിക്കം. ചുവപ്പ്, മഞ്ഞ, പച്ച, ഓറഞ്ച് എന്നീ നിറങ്ങളില്‍ ഉരുണ്ടിരിക്കുന്ന കാപ്‌സിക്കം കാണാന്‍ തന്നെ നല്ല ചേലാണ്. വലിയ അധ്വാനമൊന്നുമില്ലാതെ നമ്മുടെ വീട്ടില്‍ ഗ്രോബാഗിലോ ചട്ടിയിലോ കാപ്‌സിക്കം വളര്‍ത്തിയെടുക്കാം.
വിത്ത് നട്ടാണ് കാപ്‌സിക്കം കൃഷി ചെയ്യേണ്ടത്. ഗുണനിലവാരമുള്ള വിത്തുകള്‍ വേണം നടാന്‍. എട്ട് മുതല്‍ 10 ദിവസം കൊണ്ടു വിത്ത് മുളയ്ക്കും. നാലോ അഞ്ചോ ഇലപ്പരുവമായാല്‍ വളര്‍ത്താന്‍ ഉദ്ദേശിക്കുന്ന ഗ്രോബാഗിലേക്കോ ചട്ടിയിലേക്കോ തൈ മാറ്റി നടാം.
മണ്ണൊരുക്കാം
നല്ല വായുസഞ്ചാരമുള്ള മണ്ണാണ് കാപ്‌സിക്കം വളരാന്‍ ആവശ്യം. ഇതിനാല്‍ പോര്‍ട്ടിങ്മിശ്രിതത്തില്‍ കമ്പോസ്റ്റ് നിര്‍ബന്ധമായും ചേര്‍ക്കണം. ചാണകപ്പൊടി, കല്ലും മറ്റുമൊന്നുമില്ലാത്ത നല്ല പൊടിമണ്ണ് എന്നിവയും നല്ലതാണ്. കാപ്‌സിക്കം കരുത്തോടെ വളരാനിതു സഹായിക്കും.
പരിചരണം
ടെറസില്‍ വളര്‍ത്താന്‍ ഏറെ അനുയോജ്യമാണ് കാപ്‌സിക്കം, കാരണം സൂര്യനോട് അതായത് വെയിലിനോട് ഈച്ചെടിക്ക് അത്ര ഇഷ്ടമാണ്. ദിവസം നാലോ അഞ്ചോ മണിക്കൂറെങ്കിലും വെയില്‍ ലഭിക്കുന്ന സ്ഥലത്ത് വേണം കാപ്‌സിക്കം നടാന്‍. എന്നാല്‍ മാത്രമേ നല്ല വിളവ് ലഭിക്കൂ. നനവ് ആവശ്യത്തിന് മാത്രമേ നല്‍കാവൂ. വെള്ളം വാര്‍ന്നു പോകാനുള്ള സംവിധാനം നിര്‍ബന്ധമായും ഗ്രോബാഗില്‍ ഒരുക്കണം, കെട്ടിക്കിടന്നാല്‍ ചെടി നശിച്ചു പോകും.
കീടങ്ങളും രോഗങ്ങളും
ബാക്ടീരിയ വാട്ടം, പൂപ്പല്‍, വേരുചീയല്‍ തുടങ്ങിയ രോഗങ്ങള്‍ക്ക് എളുപ്പത്തില്‍ വരാനുള്ള സാധ്യതയുണ്ട്. മുഞ്ഞ, വെട്ട് പുഴു, വെള്ളീച്ച തുടങ്ങിയ കീടങ്ങളും ചെടിയുടെ നാശത്തിന് കാരണമാകും. കൃത്യമായി നീരീക്ഷിച്ച് കീടങ്ങളെ തുരത്തുന്നതാണ് നല്ലത്.
വിളവെടുപ്പ്
നട്ട് രണ്ടു – മൂന്ന് മാസത്തിനുള്ളില്‍ വിളവെടുക്കാം. ഒരു ടെന്നീസ് ബോളിന്റെ വലുപ്പത്തിലെത്തുകയും തൊലി നല്ല മിനുസമുള്ളതാവുകയും ചെയ്താല്‍ പറിക്കാം. അധികം മൂക്കുന്നതിന് മുമ്പ് വിളവെടുക്കുന്നതാണ് നല്ലത്. ഗ്രീന്‍ പെപ്പര്‍, സ്വീറ്റ് പെപ്പര്‍, ബെല്‍ പെപ്പര്‍ എന്നീ പേരിലെല്ലാം കാപ്‌സിക്കം അറിയപ്പെടാറുണ്ട്. ഇത് പതിവായി കഴിക്കുന്നത് പ്രതിരോധ ശേഷി വര്‍ധിപ്പിക്കുന്നതിന് സഹായിക്കുന്നു. വൈറ്റമിന്‍ ഇ, എ, പൊട്ടാസ്യം എന്നിവ അടങ്ങിയിട്ടുണ്ട്. ആന്റി ഓക്‌സിഡന്റുകള്‍ ധാരാളമായി അടങ്ങിയിരിക്കുന്ന ഇവ ക്യാന്‍സറിനെ ഒരു പരിധി വരെ പ്രതിരോധിക്കാന്‍ സഹായിക്കുന്നു.
